|
|
|
|
Teny iditra (1/3)1  raha
Sokajin-teny  2  mpampitohy [Fitanisana]
Fanazavàna teny malagasy  3 Mitarika fehezan-kevitra izay milaza fepetra iankinan' ny fahatanterahan' ny fehezan-kevitra iray hafa: Raha mihira ianao dia homeko vola. [1.1]
Fanazavàna teny anglisy  4 when, if. [1.2, 1.7]
5 as for, since. [1.2]
6 when and if. [1.7]
Fanazavàna teny frantsay  7 si, quand. [1.3#498, 1.8]
8 lorsque. [1.3#498]
Ohatra  9  raha sakafo no manimanitra, mazoto homana ny mpihinana. [2.470]
Mpanahaka  10  fony, 11  nony, 12  rehefa
Kamban-teny rehetra  13  Fikambanana 42 amin' io teny io
Teny iditra (2/3)14  raha
Sokajin-teny  15  anarana
Fanazavàna teny malagasy  16 zavatra. [Tambahoaka, Taisaka, Bezanozano, Sihanaka, Tanala] [1.78]
17 anona. [Tanala] [1.78]
18 Teny fahita indrindra any anindran-tany entina hilazana fanahy tsy fantatra, izay matetika manimba na mety hanimba: Misy raha ao anatin' io rano io.
19 Teny ilazana izay tsy tiana na tsy hay holazaina mazava tsara: Hitsikitsika tsy mandihy foana fa ao raha. [1.1]
Fanazavàna teny anglisy  20 for raharaha and zavatra. [Provincial] [1.2#488]
Fanazavàna teny frantsay  21 chose, comme zavatra. [Provincial] [1.3#498]
22 substance. [1.13]
23 quelque chose, chose, objet. [Sakalava-Mayotte] [1.405]
Kamban-teny rehetra  24  Fikambanana 22 amin' io teny io
Ohabolana  25  Ohabolana misy io teny io
Teny iditra (3/3)26  Raha
Singan-teny  27 raha
Sokajin-teny  28  anarana (lohatenin-tononkalo) [Fitanisana]
Voambolana  29  Haisoratra: tononkalo
Mpanoratra  30 Ratany Samuël
Lahatsiratra manontolo  31  Raha sendra midona ny voalohan' orana,
32  Nefa ny ambiaty tsy mbola mitsiry ;
33  Raha vorona ompiana no tapa-patorana,
34  Kefa ny mpiompy tsy rototra firy;

35  Raha sendra ka ravan-tadio ny akany,
36  Kanefa tsy taitran' izany ny fody ;
37  Raha zaza tinaiza no re mitomany,
38  Ny reniny anefa tsy mahalala mody ;

39  Raha fo te-hiverina vonon-kifona,
40  Kinanjo mitodika voatsipi-drora;
41  Raha toa fanekena sendra midona,
42  Kanefa voatifitry ny harika mora ;

43  Raha volana maro no niandry fitia,
44  Kanefa tsy misy minitra hifaliana;
45  Raha toa efa tony ny rano maria,
46  Ny lakana anefa tsy manim-podiana;

47  Raha sendra mba taitra ny fo nanantena,
48  Kanefa ny tiana vao maika matory ;
49  Raha tiana ho tanteraka ilay fanenkena,
50  Kanefa voavadiky ny andro mahory;

51  Raha sendra mitsiky maraina ny lisy,
52  Kanefa tsy hita eo akaiky ny lolo
53  Nandrasako ho avy , kinanjo tsy nisy
54  Tandindona akory tonga hisolo

55  Ahoana ? Inona ary ny anton' izany ?
56  Miangatra ve ny lalàn' ny tany ?

57  Tsy izany tsy akory fa izao no efa didy,
58  Raha ny efa mivadika indray no mivalo,
59  Dia miova ny lahatra sy ny safidy
60  Ka lasa ho tompony ilay natakalo.

61  Raha toa mpisompatra indray no ho marina,
62  Izay no atao hoe : Fitia nangalarina;
63  Raha ny efa tsy tia no tiavina indray,
64  Aleo dia mamoy azy mandrakizay.
Fivaditsoratra  65 hara, 66 Raha, raha
Nohavaozina tamin' ny 2025/11/09